Poezi nga Ramë Thaçi

0
1810

Dy poezi nga Ramë Thaçi

FJALA E VENDI I KA HIJE

(Anton Çettës më nismëtarë)

Plaku me plis të bardhë në kokë
i pari në karvan me dasmorë
me flamurin kuq e zi në dorë,
i hapën dyertë e mbyllura të mesjetës nga oda në odë.
Plakut i ka hije fjala në ballë të oxhakut,
më nismëtarë thërrisnin vëllezërit dhe motrat:
Ta shporrim mykun e territ të mesjetës,
dielli të rilindë në Kosovë.
Zëri ëmbël i plakut në Kuvend
me shqiponja i rrethuar,
të Verrat e Llukës
u bë shtrirja e dorës në “Fushën e Pajtimit”.

1990

Nëna Tereze

Më njërën dorë lart drejtuar Zotit
në tjetrën hojet me mjaltë,
ku sheh fytyra të zbehta dhe të varfëra
ilaçe për shërim dhe ushqime për të ngrënë iu ofron.
Bamirësia e Nënës Tereze
shpirtrat e njerëzisë i shndëritë,
natën me dritën e hënës
e ditën i ngrohë me diell.
Lumturia si flutura në lulishtë
midis fëmijëve përqafuar,
humanistja Nënë Tereze
amësi duke iu ofruar.

Prishtinë, 2014


Poezi nga Ramë Thaçi

Më i ndritshmi i yjeve

Një ditë kur moti solli stuhi
shoqëruar me rrebeshe e furtunë të shpejtë
një yll si meteor zbriti nga qielli,
Në tokën dardane ngjalli shpresë….

Sot prehesh i qetë në perjetësi ,
arkitekt i pavarësisë!
Ibrahim Rugova, askush si ti!

Prishtinë, 2007

Më pendë dhe pushkë

Penda e mëndjeprehtit
dhe pushka e sypatremburit
në një janë shkrirë .

Në luftë kur thërret kushtrimi ,
të flijohet për atdhe
frymon liria!

Ylberit ngjyrat i tretën.
Pëllumbat fluturojnë në kaltërsi,
dielli, hëna vendin e rrezaton.

Saradran, 2000

Dërgoi për publikim Skënder Mulliqi

LINI NJË KOMENT

Please enter your comment!
Please enter your name here