I N V A L I D I – poezi nga Rrustem Geci

0
784

I N V A L I D I

Prej gjakut të jetës është liria jonë
Lufta UÇK-së disave u duket asgjë
në luftë i kam humbur gjymtyrët
shumë nga tanët tretën mërgimeve

Me gjak trimash çliruam Kosovën
liria gjak prej gjithsecilit ka pirë
me mija kanë rënë në beteja, dhe
me mijëra të lidhur na i pushkatuan

Kosovë, jam krenar me luftën që
bëra, unë vet e zgjodha veten në
luftën për liri, vdekjen e kam parë
disa herë, lufta m’i mori këmbët

Prej gjakut të jetës është liria jonë
toka sërish i takon barit dhe luleve
tashti jam ( invalid ) i pa rëndësi
njeri i pamjaftueshëm për vetveten

Jam i nderuar që isha pjesë e luftës
e jo një i shtirur dhe tregëtar lirie
kam një mbesë me emrin, Shqipëri
luan gëzueshëm, e qeshet si fëmijë!…

Rrustem Geci – Dortmund, 2016

LINI NJË KOMENT

Please enter your comment!
Please enter your name here