Këtu nuk dashunon ma kërkush

0
257

Gjergj Jozef Kola

Dikur jena dashtë edhe na
si pllaka trotuarit të njeshun
nëpër të nxehtit e verës

e çdo mur e ruen kujtesën
e ngjyrave të syve tuej prej
nji andrre në tjetrën e vizatueme
asht ky tatuazh vetmijet ku vetëm

nji puthje e ruen freskinë e kohës
sa herë që jashtë rrufeja gjen rrugën
për në asfaltin e hangur prej rrotave
të kësaj kohës sotme dalë prej rruge

ku pushtetarët mshehen nëpër hotele
hordhëkut dhe u ngjajnë parardhësve të largët
osmanë, që me mendjeligësi dhe zemërkalbun

po na e vrasin atdheun përditë e ma shumë.

gjk17

SHKRUAJ NJË KOMENT