Gjin Musa

0
846

Lindur me 15 /06/1952, në fshatin Nanmavriq të Bajrakut të Shalës, Dukagjin.
Larguar nga vendlindja, pa i mbushur mirë tre vjeç. Prindërit vendosen në qytetin e Shkodrës. Aty përballë Kishës së Shënkollit. Me kalimin e viteve vendosemi në fshatin Kukël të Lokalitetit Bushat, kështu quhej aso kohe.
Arsimimi dhe dija ishin pasioni i jetës. Me shumë dëshirë dhe pasion shërbeva në radhët e ushtrisë si në aviacion dhe për nji periudhë kohe komandant i rep. 2203/b pranë detashmentit të Ministrisë së Mbrojtjes në Tiranë. Mbështetja maksimale e Kom. të Detashmentit, Gjeneral Milto Kosova më rriten dëshirën dhe pasionin për uniformën ushtarake.
Le të rikthem tek gazetaria, ku për 51 vite rrugtuam s’bashku. Shkrimin e parë e kam botuar në vitin 1965 në gazetën Pionieri. që nga ky vit kam shkruar në gazetën “Jeta e Re”, gazetë lokale, ku kujtoj kryeredaktorin e parë Prof. Vehbi Çangen. Kujtoj me shumë respekt drejtorin e Radio Shkodrës, të ndjerin Alush Cena, i cili me hapi dyert e bashkëpunimit me këtë institucion. Kujtoj përkrahjen e çmuar të mësuesit tim Mentor Quku, e shumë të tjerë.
Në jetën time, dorëshkrimet janë të panumërta në Gazetën “Jeta e Re”, “Zëri i Popullit”, “Bashkimi”, “Sporti”, “Zëri i Rinisë”, “Hosteni”, “Zëri i Vlor¨”, “Pionieri” e shumë të tjera.
Jane nji numër i madh shkrimesh, intervistash dhe kronika të panumërta, që trasmetonte Radio Shkodra dhe nji bashkëpunim dinjitoz kam patur me Radio Tiranën, emisioni i lajmeve, kronikat dhe rubrikat e ndryshme trasmetoheshin ne Radio Tirana, ku mbanin autorësin e bashkëpunëtorit Gj. Musa nga Shkodra.
Me ardhjen e demokracisë, në mbështetje të votave te fituara, emrohem nga Kryeministri Aleksander Meksi sekretar i këshillit të Komunës Bushat, ndër më të mëdhatë në shkallë republike.
Në nëntor të vitit 1994 largohem përfundimisht nga Shqipëria.
Punoj dhe jetoj në Itali. Kam shkruar dhe bashkëpunuar me shume gazeta si edhe me Radio Tiranën në emisionin për Shqiptarët jashtë atdheut, ku falenderoj miqtë e mi, gazetarët Pëllumb Troci dhe Jaho Margjeka, për bashkëpunimin. Kam bashkëpunuar shumë vite me Radio Sofia të Bullgarisë, etj.
Nji bashkëpunim dinjitoz kam këto vitet e fundit me gazetën “Fjala e Lirë”, me botues z. Arben Çokaj dhe gazeta të tjera si “IDEA”, “SOT”, etj.

SHPËRNDAJ
Artikulli tjetërPAK FJALË NGA AUTORI ZEF MULAJ
Arben Çokaj - Mësues Fizike & Informatike :: Gazetar & Analist i pavarur :: Autor librash

SHKRUAJ NJË KOMENT